【教育王國】英國大學中的Hermes、LV？

係人都鐘意名牌手袋，Hermes、LV、Prada…..咁，英國大學有冇名牌之說呢？買名牌手袋有質素、有服務，仲俾到人一種高高在上既感覺。我諗到可以掛鉤嘅，就係大家成日講嘅羅素大學集團（The Russell Group），咁之但係又有幾多人知道Russell Group有幾高高在上呢？

The Russell Group成員名單

排名及收生標準高

Russell Group大學每年的世界排名都維持在200名內，睇番QS World University Rankings 2019， Russell Group裡Ranking最低的Queen’s University Belfast亦排到世界第180位；而收生標準上，Oxbridge向來高就不在話下，其餘成員大學入學要求通常亦介乎到ABB～A*A*A（HKDSE Lv 544 ～5*5*5），很多成員學校即使在Clearing階段仍堅持嚴格收生要求，唔會輕易降低標準、破格錄取。

大量研究經費和豐富資源

名牌手袋價錢貴就貴啦，之但係一分錢一分貨，而Russell Group又幾有質素? 集團最初成立的目的就是聯合各成員一齊向政府和外界尋求經費。確實，英國有130多間大學，但Russell Group的24間大學囊括了全英百分之六十五以上的研究經費，所以其科研上的成就特別強，理所當然地成為世界上出產最多諾貝爾獎得主的組織。迄今為止，Russell Group有近300位諾貝爾獎得主，包括今年諾貝爾化學獎得主Greg Winter。

Russell Group大學畢業生比較好？

咁係咪Russell Group的大學畢業就比較好？首先大家要搞清楚一個概念，Russell Group強係強喺科研上面，但科研成果其實同學士學位（Bachelor’s degree）的教學並不是太相關，因為科研是研究院級別（Postgraduate Schools）的事。其次，學生應該了解自己想讀的科目和未來職業發展是否需要同「研究」掛鉤，乜意思呢？舉個例子，如果同學仔志向係投身設計產業，都唔會搵間大學係專門出產諾貝爾得獎者㗎嘛？但係如果同學仔讀科學嘅，有志向繼續讀Master of Research、PhD嘅，咁Russell Group大學確實有其幫助，因為你會學到一些關於做學術研究的技巧。當然，畢竟因為Russell Group的大學夠有錢，學校可以為學生提供更多充分包裝履歷的支援。例如University of Nottingham會為學生提供Internship Scheme，在計劃中學生有機會可以去到本地或國際企業參與實習，這些在大學累積到的實踐經驗亦會帶來一定火花。不過，講到最後，搵工時求職者的個人特質和面試表現先係最重要的元素。

如果你依然掙扎緊選唔選擇The Russell Group的大學，最重要記住，不要被名字和排名影響你升學的初衷。「名牌」確實承載了一定的重量，但是更重要的是選擇適合你的課程和大學。

By Adrian Ng

教育王國